| პროკრედიტ ბანკი ეროვნული ბანკის მიერ 2010 წლის 17 მარტის ბრძანების 44/01 საფუძველზე ახორციელებს IBAN საერთაშორისო საბანკო ანგარიშების ნომრების სისტემაზე გადასვლას.
კლიენტებს, როგორც ფიზიკურ ასევე იურიდიულ პირებს, გთხოვთ გაითვალისწინოთ, რომ 2010 წლის 3 მაისიდან კლიენტებისთვის ახალი ანგარიშები გაიხსნება IBAN ფორმატით. ხოლო ძველი ანგარიშებისათვის IBAN-ის მისაღებად გთხოვთ მიმართოთ კლიენტთა მრჩეველებს პროკრედიტ ბანკის ნებისმიერ ფილიალში.
2013 წლის 1 იანვრიდან აგარიშების მომსახურება იწარმოებს მხოლოდ IBAN ფორმატით.
რა არის IBAN ?
IBAN (International Bank Account Number) არის საბანკო ანგარიშის ნომერი, რომელიც წარმოდგენილია საერთაშორისო საბანკო ანგარიშების (IBAN) ფორმატში.
IBAN ანგარიშის ნომერი გამოიყენება, როგორც ქვეყნის შიგნით და ქვეყნის გარეთ გადარიცხვებისას, ასევე ნებისმიერი საბანკო ოპერაციისთვის.
IBAN -ის უპირატესობები:
-
დაჩქარებული გადარიცხვები - IBAN ანგარიშთა საერთაშორისო სისტემა უზრუნველყოფს გადარიცხვების სისწრაფეს;
-
მოხერხებულობა - IBAN ანგარიშის ნომერი შეიცავს ყველა სახის ინფორმაციას: ბანკის დასახელებას, ბანკის კოდს, ქვეყნის დასახელებას, ანგარიშის ნომერს.
-
უსაფრთხოება - IBAN ანგარიშის ნომრის სისწორეს უზრუნველყოფს მასში გამოყენებული საკონტროლო გასაღები;
IBAN ანგარიშის სტრუქტურა:
საქართველოში ბანკის მიერ გენერირებული IBAN შედგება 22 (ოცდაორი) სიმბოლოსგან და მოიცავს შემდეგ კომპონენტებს:
დამატებით, პროკრედიტ ბანკი გაძლევთ შესაძლებლობას 2010 წლის 03 მაისიდან ისარგებლოთ მულტისავალუტო ანგარიშებით
მულტისავალუტო ანგარიშის უპირატესობები:
-
მოხერხებულობა - სხვადასხვა ვალუტაში გახსნილ ანგარიშებისათვის თქვენ ფლობთ მხოლოდ ერთ რეკვიზიტს.
-
დროის დაზოგვა და მარტივი პროცედურები – თანხის იმ ვალუტაში ჩარიცხვის შემთხვევაში, რომელშიც ანგარიში არ გაგაჩნიათ, ფორმალობის გარეშე ანგარიში ავტომატურად გაგეხსნებათ შესაბამის ვალუტაში.
ნებისმიერი დამატებითი შეკითხვის შემთხვევაში, გთხოვთ მიმართოთ პროკრედიტ ბანკის ფილიალებს ან/და სატელეფონო მომსახურების ცენტრს (+99532 20 22 22).
|
geo 
