ილირ ი. ალიუ - სამეთვალყურეო საბჭოს თავმჯდომარე 2016 წლიდან. ბ-ნი ილირ ალიუ ბანკის მენეჯმენტის გუნდის წევრია 2005 წლიდან. იგი თავდაპირველად იყო პროკრედიტ ბანკი, კოსოვოს გენერალური დირექტორის მოადგილე, ხოლო შემდეგ დაიკავა იგივე პოზიცია პროკრედიტ ბანკი, მაკედონიაში. მანამდე, ბ-ნი ილირ ალიუ შიდა აუდიტორის, ხოლო მოგვიანებით ფიზიკური პირების მომსახურების დეპარტამენტის უფროსის პოზიციებზე მუშაობდა პროკრედიტ ბანკი, კოსოვოში. ბ-ნმა ილირმა დაამთავრა IFAM პარიზში, სადაც გაიარა მენეჯმენტის კურსები და დაამთავრა ასპირანტურა ბიზნესის ადმინისტრირების განხრით. პარალელურად, პროკრედიტ ბანკის გარეთ, ბ-ნი ილირ ალიუ იყო კოსოვოს ბანკირთა ასოციაციის დირექტორთა საბჭოს თავმჯდომარის მოადგილე, კოსოვოს ამერიკის სავაჭრო პალატის დირექტორთა საბჭოს ვიცე-პრეზიდენტი, VISA Inc-ის CEMEA საკონსულტაციო კომიტეტის წევრი. 2015 წლის ივლისში ილირ ალიუ აირჩიეს კოსოვოს ბანკების ასოციაციის დირექტორთა საბჭოს თავმჯდომარედ.

მარსელ ცაიტინგერი - სამეთვალყურეო საბჭოს წევრი 2017 წლიდან. ბ-ნი ცაიტინგერი 2016 წლიდან Zeitinger Invest-ის გენერალური დირექტორია. ამასთანავე, პროკრედიტ ჰოლდინგში AG & Co. KGaA ეკონომიკური ანალიზისა და საკრედიტო რისკების განყოფილებაში მუშაობს, 2013 წლიდან კი პროკრედიტის აკადემიებში ველესში, მაკედონიასა და ფიურტში კითხულობს ლექციებს თემაზე „შესავალი ეკონომიკურ თეორიებში“. ბ-ნი ცაიტინგერი პროკრედიტ ჯგუფს 2006 წელს შემოუერთდა და პროფესიული გამოცდილება პროკრედიტ ჯგუფის ქვეყნებში სხვადასხვა პოზიციებზე მუშაობით გაიღრმავა. ბ-ნი ცაიტინგერს გერმანიაში გოეთეს უნივერსიტეტის, დამთავრების შემდეგ მინიჭებული აქვს ბაკალავრის ხარისხი სამეცნიერო სფეროში ეკონომიკის განხრით, ბაკალავრის ხარისხი პოლიტიკურ მეცნიერებებში, ჰუმანიტარული მეცნიერების მაგისტრის ხარისხი საერთაშორისო პოლიტიკურ ეკონომიკაში, 2015 წლიდან დღემდე კი გოეთეს უნივერსიტეტში პოლიტიკურ მეცნიერებათა დოქტორის კანდიდატია.

სანდრინ მასიანი - სამეთვალყურეო საბჭოს წევრი 2012 წლიდან. პროკრედიტ ჯგუფში შემავალი ფინანსური ინსტიტუტების ადამიანური რესურსების კოორდინატორი, პროკრედიტ ჰოლდინგი. ქ–ნი მასიანი პროკრედიტ ჯგუფში 2003 წლიდან მუშაობს. იგი პასუხისმგებელია ჯგუფში შემავალი ფინანსური ინსტიტუტების ადამიანური რესურსების პოლიტიკის განვითარება, კოორდინირებასა და დანერგვაზე. მანამდე იყო პროკრედიტ ბანკის რეგიონალური კოორდინატორი აფრიკაში, ზედამხედველობას უწევდა აფრიკაში ფინანსური ინსტიტუტების განვითარების სტრატეგიასა და ოპერირებას. პროკრედიტში მუშაობის დაწყებამდე, ქ–ნი მასიანი BNP Paribas–ის ქსელში ფინანსური ანალიზის, ფინანსური კონტროლისა და ანგარიშგების სფეროებში მოღვაწეობდა. მან ლონდონის უნივერსიტეტი დაამთავრა და ფინანსებში მაგისტრის წოდება მიიღო. ამის გარდა, მაგისტრის წოდება აქვს მიღებული პოლიტიკურ მეცნიერებასა და საერთაშორისო ურთიერთობებში საფრანგეთში, პარიზში Institut d’Etudes Politiques de Paris დამთავრების შემდეგ.

იოვანკა იოლესკა პოპოვსკა - სამეთვალყურეო საბჭოს წევრი 2015 წლიდან. ქ-ნი იოლესკა 2009 წლიდან მაკედონიის პროკრედიტ ბანკის გენერალური დირექტორია. სანამ პროკრედიტ ჯგუფს შემოუერთდებოდა, ქ-ნი იოლესკა მუშაობდა აუდიტორულ კომპანია KPMG-ში სხვადასხვა პოზიციაზე. გარდა ამისა, იგი 1997 წლიდან დღემდე დიდი ბრიტანეთის ასოცირებულ ბუღალტერთა გაერთიანების წევრია. სკოპიეს SS. Cyril and Methodius უნივერსიტეტის დამთავრების შემდეგ ქ-ნ იოლესკას მიენიჭა ეკონომიკურ მეცნიერებათა ბაკალავრის ხარისხი.

ვოლფგანგ ბერტელსმაიერი - სამეთვალყურეო საბჭოს წევრი 2012 წლიდან. ბ-ნი ბერტელსმაიერი ასევე არის პროკრედიტ ჰოლდინგის სამეთვალყურეო საბჭოს წევრი. მსოფლიო ბანკში 30 წლის მუშაობის მანძილზე მას ეკავა მენეჯერული პოზიციები მსოფლიო ბანკის ჯგუფის წევრ სხვადასხვა ორგანიზაციაში, მათ შორის, საერთაშორისო საფინანსო კორპორაციაში (IFC). მან დაამთავრა ფრანკფურტის გოეთეს უნივერსიტეტი და აქვს ხარისხი ბიზნესის ადმინისტრირებაში.