სს “პროკრედიტ ბანკი” განვითარებაზე ორიენტირებული კომერციული ბანკია, რომელიც საუკეთესო მომსახურებას სთავაზობს მცირე და საშუალო საწარმოებსა და ფიზიკურ პირებს, ვისთვისაც მნიშვნელოვანია გრძელვადიანი პარტნიორობა და საბანკო მომსახურების მიღება ელექტორნული სერვისების გამოყენებით.

„პროკრედიტ ბანკი“ საქართველოში 1999 წლიდან ფუნქციონირებს. ბანკს საერთაშორისო სარეიტინგო სააგენტო Fitch Ratings-ის მიერ მინიჭებული აქვს BB+ რეიტინგი, რომელიც საქართველოში ყველაზე მაღალი შესაძლო რეიტინგია.

„პროკრედიტ ბანკი“ საერთაშორისო პროკრედიტ ჯგუფის წევრია, რომელიც ძირითადად წარმოდგენილია აღმოსავლეთ ევროპის გარდამავალი ეკონომიკის მქონე ქვეყნებსა და გერმანიაში. ჯგუფის დამფუძნებელია პროკრედიტ ჰოლდინგი (მაინის ფრანქფურტი, გერმანია). პროკრედიტ ჰოლდინგსა და პროკრედიტ ჯგუფს ზედამხედველობას უწევს ფინანსური საზედამხედველო ორგანო (BaFin), რომელიც პროკრედიტ ბანკების სანდოობისა და სტაბილურობის გარანტია.

პროკრედიტ ბანკი - აცხადებს ტენდერს: ბანკის საინფორმაციო-ტექნოლოგიური სისტემების შეღწევადობის ტესტირების მომსახურებაზე (penetration test)

ძირითადი მოთხოვნები:

*კომპანიის მოძიება - შეღწევადობის ტესტის ჩატარებისთვის. ტესტირების მინიმალური მასშტაბი მოიცავს შემდეგ კომპონენტებს: ბანკის საინფორმაციო ტექნოლოგიების ქსელური ნაწილი; 24/7-ზონა; სოციალური ინჟინერია, მესამე მხარეების მიერ ბანკისთვის გაწეული კრიტიკული სერვისები, ინტერნეტ ბანკის აპლიკაციები და ვებ გვერდი. თუმცა სატენდერო წინადადებაში შესაძლებელია, მოცემული იყოს დამატებითი კომპონენტებიც.

დაინტერესებულმა პირებმა დალუქულ კონვერტში უნდა წარადგინონ:

** სარეკომენდაციო წერილი

** შევსებული და ხელმოწერილი სააპლიკაციო ფორმა (იხ.თანდართულ ფაილი);

** შევსებული და ხელმოწერილი ფასების ცხრილი (ფასები დათვლილი უნდა იყოს ცალ-ცალკე ძირითადი კომპონენტების მიხედვით: ქსელური ნაწილი; 24/7 ზონა; სოციალური ინჟინერია და სხვა.) ;

** შევსებული და ხელმოწერილი პროფესიული დაზღვევის პირობები;

** შეღწევადობის ტესტირების მასშტაბი და დეტალური გეგმა;

** ანგარიშსწორების პირობები;

** ამონაწერი სამეწარმეო რეესტრიდან;

** ხელმოწერილი ინფორმაციის გაუმჟღავნებლების ხელშეკრულება

კონვერტების შეტანამდე დეტალური ინფორმაცია დაინტერესებულ კომპანიას მიეწოდება კონფიდენცილაურობის თაობაზე შეთანხმების გაფორმების შემდეგ (თანდართულია).

გთხოვთ, საბუთებთან ერთად, ასევე, გამოაგზავნოთ CD დისკზე მოთხოვნილი დოკუმენტაცია

გთხოვთ, დალუქულ კონვერტზე მიუთითოთ:
** თქვენი კომპანიის დასახელება;

** საკონტაქტო ინფორმაცია (პასუხისმგებელი პირი, ტელეფონი და ელ.ფოსტა);
** ტენდერის დასახელება;
** მიმღები განყოფილების დასახელება: შესყიდვების ქვეგანყოფილება
** წარწერა: ”კონფიდენციალურია”;

**გთხოვთ, მოაწერეთ ხელი და დასვით თქვენი კომპანიის ბეჭედი კონვერტის დალუქვის ადგილზე.

სატენდერო წინადადება მოგვაწოდეთ შემდეგ მისამართზე: ალ. ყაზგების გამზ. 21 და განათავსეთ ბანკის პირველ სართულზე არსებულ ტენდერების ყუთში

ტენდერში მონაწილე კომპანია ვალდებულია, პროკრედიტ ბანკის საიტზე (www.procreditbank.ge) გაიაროს რეგისტრაცია (დაადასტუროს ტენდერში მონაწილეობის მიღება)

შემოთავაზების შემოტანის ბოლო ვადაა: 16 ივნისი 2022 წელი 16:00 საათამდე.